Ազգային վիճակագրական ծառայության նախնական տվյալների համաձայն՝ 2023 թվականին տասը խոշորագույն արտահանման գործընկեր երկրների մասնաբաժինը Վրաստանի ընդհանուր արտահանման մեջ կազմել է 80,3 տոկոս։ Արտահանողների առաջին եռյակում Ադրբեջանը զբաղեցնում է առաջին տեղը՝ 862,1 մլն ԱՄՆ դոլարով։ Երկրորդ տեղում Հայաստանն է՝ 787,1 մլն ԱՄՆ դոլարով, երրորդում՝ Ղազախստանը՝ 703,0 մլն ԱՄՆ դոլարով։

Ինչ վերաբերում է ներմուծմանը, ապա գործակալության տվյալներով, 2023 թվականին Վրաստանի ներմուծման ընդհանուր ծավալում տասը խոշորագույն ներմուծման գործընկեր երկրների մասնաբաժինը կազմել է 70,5 տոկոս։ Լավագույն եռյակում է Թուրքիան՝ 2570,1 մլն. ԱՄՆ դոլարով, ԱՄՆ-ն՝ 1 949,3 մլն ԱՄՆ դոլարով և Ռուսաստանը՝ 1 744,5 մլն ԱՄՆ դոլարով։

Բացի այդ, ըստ գործակալության հաշվետվության, արտահանման լավագույն տասնյակում անցյալ տարի առաջին տեղը զբաղեցրել են մարդատար մեքենաները՝ 2126,6 մլն ԱՄՆ դոլարով, ինչը կազմում է ամբողջ արտահանման 34,9 տոկոսը։ Երկրորդ տեղում պղնձի հանքաքարերն ու խտանյութերն են՝ 479,3 մլն ԱՄՆ դոլարով, երրորդ տեղում խաղողի բնական գինիներն են՝ 259,0 մլն ԱՄՆ դոլարով։

Վիճակագրության ծառայության տվյալներով՝ 2023 թվականին ներմուծման ամենամեծ ապրանքախումբը ներկայացվել է մարդատար ավտոմեքենաների տեսքով, որոնց ներմուծումը կազմել է 3 162,4 մլն ԱՄՆ դոլար և ամբողջ ներմուծման 20,5 տոկոսը։ Երկրորդ տեղում նավթն ու նավթամթերքն է՝ 1 166,9 մլն ԱՄՆ դոլարով, երրորդում՝ փաթեթավորված դեղամիջոցները՝ 542,8 մլն ԱՄՆ դոլարով։