Ազգային վիճակագրական ծառայության տվյալներով՝ 2023 թվականի հունվար-փետրվարին Վրաստանից արտահանված ապրանքների ծավալը (առանց չհայտարարագրված արտահանման) կազմել է 914,8 մլն. դոլար, ինչը 20,3 տոկոսով գերազանցում է նախորդ տարվա համապատասխան ժամանակահատվածը։

Ըստ նրանց՝ տեղական արտահանումը (արտահանումն առանց վերաարտահանման) կազմում է ընդհանուր արտահանման 54,3 տոկոսը։ Նշված ցուցանիշը նախորդ տարվա համապատասխան ժամանակահատվածի համեմատ նվազել է 10,6 տոկոսով եւ կազմել 497,2 մլն. ԱՄՆ դոլար։

«2023 թվականի հունվար-փետրվարին տասը խոշորագույն երկրների մասնաբաժինը Վրաստանի ընդհանուր ներքին արտահանման մեջ կազմել է 82,2 տոկոս։ Այս առումով արտահանման խոշորագույն գործընկերներն են՝ Ռուսաստանը (107,0 մլն ԱՄՆ դոլար), Չինաստանը (106,1 մլն ԱՄՆ դոլար) և Թուրքիան (57,1 մլն ԱՄՆ դոլար)։ 2023 թվականի հունվար-փետրվարին պղնձի հանքաքարերը և խտանյութերը տեղական արտահանման առաջին տասնյակում առաջին տեղում են՝ 143,3 մլն. ԱՄՆ դոլարով այս ապրանքախմբի մասնաբաժինը կազմում է ընդհանուր տեղական արտահանման 28,8 տոկոսը։ Երկրորդ տեղում ֆեռոհամաձուլվածքներն են՝ 71,7 մլն. ԱՄՆ դոլարով (ընդհանուր տեղական արտահանման 14,4 տոկոսը), մինչդեռ երրորդ տեղում են խաղողի բնական գինիները՝ 34,4 մլն. ԱՄՆ դոլարով (ընդհանուր տեղական արտահանման 6,9 տոկոսը)»,- նշվում է տեղեկատվության մեջ։