Վիճակագրության ծառայության պաշտոնական հայտարարագրած տվյալների համաձայն՝ 2021 թվականին Վրաստանում տրվել է 10 095 թույլտվություն (նախորդ տարվա համեմատ 5,6 տոկոսով ավելի)՝ 7434,5 հազար քառակուսի մետր շինությունների կառուցման համար (42,8 տոկոսով ավելի, քան նախորդ տարի)։

Նրանց տվյալներով՝ թույլտվությունների 74,4 տոկոսը բաժին է ընկնում երկրի չորս մարզերին։ Մասնավորապես, շինարարական աշխատանքների 48,8 տոկոսը Թբիլիսիում, 9,2 տոկոսը՝ Մցխեթա-Մթիանեթիում, 8.5 տոկոսը՝ Քվեմո Քարթլիում, 7,9 տոկոսը՝ Իմերեթիում:

«Նշենք, որ 2021 թվականին թույլտվություններ են տրվել բազմաֆունկցիոնալ բնակելի համալիրների, առևտրի օբյեկտների, հյուրանոցների, արդյունաբերական ձեռնարկությունների, գյուղատնտեսական նշանակության օբյեկտների և այլ շինությունների կառուցման համար։ Տրված թույլտվություններում համեմատաբար մեծ տեսակարար կշիռ ունեն բազմաֆունկցիոնալ բնակելի համալիրները։ Ավարտված շինարարության կեսից ավելին բաժին է ընկնում երկրի չորս մարզերին: Այստեղից 29,5 տոկոսը՝ ք. Թբիլիսիում, Կախեթի շրջանում՝ 12,3 տոկոս, Մցխեթա-Մթիանեթիի շրջանում՝ 11,7 տոկոս, իսկ Քվեմո Քարթլիում՝ 9,5 տոկոս: