Կիևի քաղաքապետը շնորհակալություն է հայտնում Վրաստանի կառավարությանը՝ Ուկրաինա գեներատորներ փոխանցելու համար և նամակ է ուղարկում Վրաստանի արտաքին գործերի նախարարին։ Այս մասին տեղեկություն է տարածում Վրաստանի արտաքին գործերի նախարարությունը։

Վիտալի Կլիչկոն Վրաստանի արտաքին գործերի նախարար Իլիա Դարչիաշվիլիին և Ուկրաինայում Վրաստանի դեսպան Գիորգի Զաքարաշվիլիին հղած նամակում նշում է, որ վրացի ընկերների աջակցությունը շատ կարևոր է Ուկրաինայի համար, հատկապես նման դժվարին պահին, որը պայմանավորված է Ուկրաինայի դեմ Ռուսաստանի ագրեսիայով։

«Ցանկանում եմ իմ խորին շնորհակալությունը հայտնել Ձեզ, պարոն նախարար, և Ձեզ, պարոն դեսպան, ձմռան այս կրիտիկական պահին չորս հզոր գեներատորների մատակարարման համար։ Մենք վստահ ենք մեր հաղթանակի մեջ և պատերազմի ավարտից հետո ձեզ հրավիրում ենք մեր հերոս քաղաք»,- ասված է Կիևի քաղաքապետի կողմից Վրաստանի արտաքին գործերի նախարարին ուղարկված նամակում։

Նամակում նշվում է նաև, որ վրացական կողմից Ուկրաինա տեղափոխված գեներատորներն արդեն բաշխվել են քաղաքային հիմնարկներին՝ մայրաքաղաքի բնակչությանը անհրաժեշտ կոմունալ ծառայություններ մատուցելու համար։