Վիտալի Կլիչկոյի խոսքով՝ Ուկրաինան գնում է դեպի ավտորիտարիզմ և «գուցե այլևս չի տարբերվում Ռուսաստանից, որտեղ ամեն ինչ կախված է մեկ մարդու քմահաճույքից։ Այս մասին, ըստ ուկրաինական լրատվամիջոցների, Կիեւի քաղաքապետը հայտարարել է գերմանական «Շպիգել» հրատարակությանը տված հարցազրույցի ժամանակ։

«Ինչ-որ պահի մենք կդադարենք տարբերվել Ռուսաստանից, որտեղ ամեն ինչ կախված է մեկ մարդու քմահաճույքից։ Այժմ կա միայն մեկ անկախ ինստիտուտ՝ տեղական իշխանությունը, սակայն նրա վրա հսկայական ճնշում կա»,- ասել է Կլիչկոն։

Կիևի քաղաքապետի խոսքով՝ պատերազմի առաջին ամիսներին երկիրն առանց առաջնորդի էր, տիրում էր հստակ քաոս, և քաղաքապետերը գլխավոր դերը խաղում էին որպես կարծիքի առաջնորդներ՝ օգնելով ժողովրդին և զինվորականներին պաշտպանել քաղաքները, սակայն. նախագահի աշխատակազմում, ըստ Կլիչկոյի, քաղաքապետերը դիտարկվում են միայն որպես երկրում ուժային կառույցների կենտրոնացման խոչընդոտ։

Լրագրողի հարցին, թե Ուկրաինայում ժողովրդավարության համար լուրջ վտանգ կա՞, Կլիչկոն պատասխանել է. «Այո», սակայն, ըստ նրա, «Ուկրաինան այսպես ավտորիտար պետության վերածելը գրեթե անհնար է», քանի որ քաղաքապետի խոսքով Ուկրաինացիները չափազանց ազատասեր են դրա համար։

Միաժամանակ Կիևի քաղաքապետը հայտարարել է, որ լայնածավալ պատերազմի սկզբից ի վեր ոչ մի հանդիպում կամ հեռախոսազրույց չի ունեցել նախագահ Վլադիմիր Զելենսկու հետ։