Ցավոք, Վրաստանի կառավարությունը չի կատարել ԵՄ միկրոֆինանսական աջակցության երկրորդ մասն ստանալու պայմանները, – Twitter- ում գրել է Եվրախորհրդարանի պատգամավոր Վիոլա ֆոն Կրամոնը:

«Ցավոք, Վրաստանի կառավարությունը չի կատարել ԵՄ միկրոֆինանսավորման աջակցության երկրորդ մասնաբաժինը ստանալու պայմանները՝ դատական ​​իշխանություն եւ այլն: Դուք չեք կարող հրաժարվել այն ամենից, ինչն ստանալու իրավունք չունեք: Մենք վրաց ժողովրդի կողքին ենք», – գրել է Վիոլա ֆոն Կրամոնը:

Վրաստանի վարչապետ Իրակլի Ղարիբաշվիլին այսօր ասաց, որ ինչ վերաբերում է ԵՄ մակրոֆինանսական օգնությանը, ապա 75 միլիոնի երկրորդ մասը վարկ է, և դա դրամաշնորհ և օգնություն չէ:

«Ինչ վերաբերում է մակրոֆինանսական օգնությանը, ապա ես ուզում եմ բնակչությանը հիշեցնել, որ սա վարկ է, որի մի մասը մենք վերցրել ենք 2020 թվականին, իսկ երկրորդը՝ 75 մլն-ը՝ վարկ էր, դա դրամաշնորհ և օգնություն չէր, որի մասին ֆինանսների նախարարությունը ավելի ուշ կմեկնաբանի: Այս տարի, քանի որ մենք արդեն սկսել ենք նվազեցնել մեր արտաքին պարտքը, ամենայն հավանականությամբ, մենք այլևս կարիք չենք ունենա ստանալու այդ գումարը: Մենք, անշուշտ, շատ շնորհակալ ենք այն օգնության համար, որը մեզ ցուցաբերեց ԵՄ-ն, այդ թվում՝ կովիդ-համաճարակի ժամանակ, և ընդհանրապես այն ամենի համար, ինչ նրանք արել են մեզ համար»,- նշել է վարչապետը:

Ավելի ուշ հարցի վերաբերյալ հայտարարություն արվեց Վրաստանում ԵՄ պատվիրակությունում: ԵՄ պատվիրակության ղեկավարի ժամանակավոր պաշտոնակատար Ջուլիեն Կրամպի խոսքով, Վրաստանը չի կարողացել բավարարել օգնություն ստանալու պահանջները: Նրա խոսքով, ԵՄ-ն կոչ է անում իշխանությանը, կատարել բարեփոխումների հետ կապված պարտավորությունները:

?? Preparing for an interview on #EU's €150 million assistance to #Georgia. Unfortunately @GovernmentGeo didn't fulfill conditions listed in #MoU for the second tranche (€75mill): judicial reform, etc. You can't decline what you were not eligible for. We stand with people of ?? pic.twitter.com/kMEzTyKctH

— Viola von Cramon (@ViolavonCramon) August 31, 2021