Հունգարիայի վարչապետ Վիկտոր Օրբանը սոցցանցում արձագանքել է Վրաստանում անցկացված խորհրդարանական ընտրություններին։

Ինչպես գրառում է Օրբանը, Վրաստանի բնակիչները գիտեն, թե որն է լավագույնը իրենց երկրի համար։

«Շնորհավորում եմ վարչապետ Կոբախիձեին և «Վրացական երազանք»-ին այսօրվա խորհրդարանական ընտրություններում համոզիչ հաղթանակի կապակցությամբ։ Վրաստանի ժողովուրդը գիտի, թե ինչն է լավագույնն իր երկրի համար, այսօր իր ձայնը լսելի դարձրեց բոլորին»,- հայտարարեց Վիկտոր Օրբանին։

«Իմեդի» հեռուստաընկերության պատվերով «Գորբի» էքզիթ փոլի տվյալների համաձայն՝ (ժամը 18:00-ի դրությամբ) խորհրդարանական ընտրություններում կուսակցությունների վարկանիշները բաշխվել են հետևյալ կերպ. «Վրացական երազանք-Ժողովրդավարական Վրաստան»՝ 56,1%։ «Միասնություն՝ ազգային շարժում»՝ 11,6 տոկոս «Հզոր Վրաստան՝ Լելո, Հանուն ժողովրդի, Հանուն ազատության»՝ 7,0% տոկոս «Փոփոխությունների կոալիցիան Գվարամիա, Մելիա, Գիրչի, ժամանակն է»՝ 12,6% «Գախարիա հանուն Վրաստանի »՝ 4,8%։

«Մթավարի» հեռուստաընկերության էգզիթփոլիի համաձայն՝ «Վրացական երազանք»-ը ունի 42 տոկոս; Կոալիցիա հանուն փոփոխությունների 18%; «Միասնական ազգային շարժում»՝ 13%; «Հզոր Վրաստան»՝ 9%; «Գախարիա՝ Վրաստանի համար» 8%։