«Կարծես շուտով Հունգարիան կդառնա Եվրոպայի միակ երկիրը, որը կարող է խոսել հակամարտող բոլոր կողմերի հետ», – հայտարարել է Հունգարիայի վարչապետ Վիկտոր Օրբանը Կրեմլում ՌԴ նախագահ Վլադիմիր Պուտինի հետ հանդիպման ժամանակ։

«Օգտվելով առիթից՝ կցանկանայի ձեզ հետ քննարկել մի քանի կարեւոր հարցեր։ Ես կցանկանայի իմանալ ձեր դիրքորոշումը Եվրոպայի համար կարևոր հարցերի վերաբերյալ։ Այն երկրների թիվը, որոնք կարող են խոսել հակամարտության երկու կողմերի հետ, արագորեն նվազում է: «Շուտով, թվում է, Հունգարիան կդառնա Եվրոպայի միակ երկիրը, որը կարող է խոսել հակամարտող բոլոր կողմերի հետ»,- ասել է Վիկտոր Օրբանը։

Իր հերթին, Ռուսաստանի ղեկավարն ասել է, որ ուրախ է տեսնել Հունգարիայի կառավարության ղեկավարին Մոսկվայում։

«Իհարկե, ես պատրաստ եմ ձեզ հետ քննարկել այս հարցի նրբությունները, և հուսով եմ, որ դուք ինձ կտեղեկացնեք ձեր և ձեր եվրոպացի գործընկերների դիրքորոշման մասին»,- ասել է Վլադիմիր Պուտինը։

Խոսելով երկկողմ հարաբերությունների մասին՝ ՌԴ նախագահը նշել է, որ Ռուսաստանի և Հունգարիայի միջև առևտուրը նվազել է 35 տոկոսով, թեև երկրները մեծ նախագծեր ունեն։