Վենետիկում կողոպտել են հնդկական թանկարժեք զարդերի ցուցահանդեսը
14:05, 04.01.2018
Անհայտ անձինք մի քանի ոսկերչական իր են գողացել Վենետիկում հնդկական թանկարժեք զարդերի ցուցահանդեսից:
Կողոպուտը տեղի է ունեցել Դոժերի պալատում հունվարի 3-ի առավոտյան:
Կողոպտիչները գողացել են բրոշ և երկու ականջօղ, որոնք հայտարարագրվել են 30 000 եվրոյով, սակայն դրանց իրական գինը կարող է մի քանի մլնի հասնել:
Հսկող տեսախցիկներն արձանագրել են կողոպուտի պահը: Տեսագրություններում երևում է, թե երկու տղամարդ ինչպես են բացում ցուցանմուշների ցուցափեղկը, վերցնում իրերը և հեռանում:
Կողոպտիչները կարողացել են փախչել՝ չնայած ազդանշանային համակարգի գործելուն:
