Վենետիկի հանձնաժողովը Վրաստանի կառավարությանը հանձնարարական է տալիս «Ընտանեկան արժեքների և անչափահասների պաշտպանության մասին» օրենքի նախագծում ներառել այնպիսի փոփոխություններ, որոնք թույլ կտան միասեռ զույգերի օրինական ճանաչումը։

«Եթե սահմանադրական օրենքի նախագիծը պահպանվի, ապա Վենետիկի հանձնաժողովի առաջարկություններն են՝ փոխել օրենքի նախագծի 1.1 հոդվածն այնպես, որ թույլ տա միասեռ զույգերի օրինական ճանաչումը: Օրենքի նախագծի 1-ին հոդվածից հանել «գենետիկորեն» բառերը: Օրենքի նախագծի 1.2 հոդվածում «հետերոսեքսուալ» բառը փոխարինել «մեկ» կամ «անհատ» բառով: Սահմանադրական նախագծից 1.3-րդ հոդվածի ջնջել: Օրենքի նախագծի 1.4-րդ հոդվածից առաջին նախադասությունը հանել (գենետիկ տվյալներին համապատասխան) ​​և հաստատել բավական մանրամասն, հստակ օրենք, որը նախատեսում է արագ, թափանցիկ և մատչելի ընթացակարգեր տրանսգենդերների գրանցված սեռի ցուցիչը փոխելու համար:

Օրենքի նախագծի 1.5-րդ հոդվածը ջնջել կամ փոփոխել՝ խտրականության չկիրառման չափանիշներին համապատասխանությունն ապահովելու համար:Օրենքի նախագծի 1.6-րդ, 1.7-րդ և 1.8-րդ հոդվածները հանել և քրեական օրենսդրության շրջանակներում առանձին կարգավորել ինցեստը։ Վենետիկի հանձնաժողովը մնում է Վրաստանի կառավարության և Խորհրդարանական վեհաժողովի տրամադրության տակ՝ շարունակելու օգնություն ցուցաբերել այս հարցում»,- ասված է Վենետիկի հանձնաժողովի կարծիքում։

Վենետիկի հանձնաժողովը երեկ հրապարակեց իր կարծիքը «Ընտանեկան արժեքների և անչափահասների պաշտպանության մասին» սահմանադրական փոփոխությունների վերաբերյալ։