ԱՄՆ-ը դատապարտում է Ռուսաստանի շարունակական հարձակումները Ուկրաինայի հացահատիկի ենթակառուցվածքի վրա, հայտարարել է Պետդեպարտամենտը և կոչ է անում Մոսկվային անհապաղ վերադառնալ Հացահատիկի համաձայնագրին:

Այս մասին մամուլի ասուլիսի ժամանակ հայտարարել է ԱՄՆ պետքարտուղարության խոսնակի տեղակալ Վեդանտ Պատելը։

«Պուտինին պարզապես չի հետաքրքրում համաշխարհային պարենային անվտանգությունը։ Կրեմլի նման գործողությունները բացասաբար են անդրադառնում ուկրաինացի ֆերմերների և աշխարհի պարենային առումով ամենաանապահով մարդկանց վրա։ Ռուսաստանի հարձակումները ուկրաինական նավահանգստային ենթակառուցվածքների վրա ոչնչացրել են հազարավոր տոննա ուկրաինական հացահատիկ, հացահատիկ, որը մատակարարվում է համաշխարհային շուկաներ», – ասել է Պատելը:

Հիշեցնենք, որ, ըստ ուկրաինական կողմի, Ռուսաստանը երեկ երեկոյան հրթիռային հարձակում է գործել հացահատիկի պահեստարանների վրա, սակայն առաջին բեռնատար նավը Օդեսայից դուրս է եկել այն բանից հետո, երբ Ռուսաստանը դուրս է եկել համաձայնագրից հուլիսի 17-ին՝ «Հացահատիկի համաձայնագրի» ժամկետի ավարտից հետո։