Վախթանգ Գոմելաուրին հանդիպել է Վրաստանում Իսրայելի դեսպան Հադաս Մեյցադի հետ
Վրաստանի ներքին գործերի նախարար Վախթանգ Գոմելաուրին հանդիպել է Վրաստանում Իսրայելի արտակարգ և լիազոր դեսպան Հադաս Մեյցադի հետ։
Հանդիպման ընթացքում քննարկվել են Իսրայելի վերջին զարգացումները։ Իսրայելի դեսպանը ներքին գործերի նախարարին մանրամասն և թարմացված տեղեկատվություն է տրամադրել Իսրայելում տիրող իրավիճակի մասին։
Վախթանգ Գոմելաուրին իր վիշտն է հայտնել Իսրայելում զոհվածների կապակցությամբ և ընդգծել, որ վրացական կողմը դատապարտում է Իսրայելի և նրա քաղաքացիների դեմ իրականացված ահաբեկչությունը։
Հանդիպման ավարտին Հադաս Մեյցադն իր երախտագիտությունն է հայտնել վրացական կողմին՝ Իսրայելի պետության և ժողովրդի անմնացորդ աջակցության համար։
Տեղեկությունը տարածում է Վրաստանի ՆԳՆ-ն։