Ներքին գործերի նախարար Վախթանգ Գոմելաուրին երկրորդ օրն է, ինչ գտնվում է Օնիի մունիցիպալիտետում։

Ըստ ՆԳՆ մամուլի ծառայության տեղեկատվության՝ նախարարը աղետի գոտուց մեկնել է Մամիսոնի սահմանային հատված։

«Վախթանգ Գոմելաուրին մանրամասն ծանոթացել է Ռաճայում՝ սահմանային հատվածում տիրող իրավիճակին։ Նախարարը հանդիպել է ոլորտում աշխատող սահմանապահներին, զրուցել նրանց հետ և նրանցից տեղեկություններ լսել սահմանային հատվածում տիրող իրավիճակի մասին։

Աղետի գիշերը Մամիսոնի հատվածում աշխատող սահմանապահներն ապահովել են ութ հոգու անվտանգ տեղափոխումը սահմանային հատված և ողջ գիշեր ապահովել նրանց անվտանգությունը։ Նախարարի հետ Մամիսոնի սահմանային հատվածում էին փոխնախարար՝ Իոսեբ Ճելիձեն, տարբեր ստորաբաժանումների ղեկավարներ և տեղական ինքնակառավարման մարմինների ներկայացուցիչներ»,- ասված է ՆԳՆ տեղեկատվության մեջ։