«Մենք չենք կարող սահմանափակել հանրահավաքի մասնակիցների իրավունքները, քացի չենք տա, եթե անհրաժեշտ լինի ձերբակալել կուլտուրական կարգով կանենք»- այսպես է պատասխանել Վրաստանի ներքին գործերի նախարար Վախթանգ Գոմելաուրին «Գիրչի-ավելի ազատություն »-ի առաջնորդ Զուրաբ Ջափարիձեի հայտարարության մասին հարցին:

Մասնավորապես, Գոմելաուրին մեկնաբանել է Զուրաբ Ջափարիձեի երեկվա հայտարարությունը, որտեղ Ջափարիձեն նշել է. «Մենք շատ բաների ենք ընդունակ, այդ թվում՝ շենքերի գրավմանը, այս շենքը Բիձինայինը չէ, այն պատկանում է Ռուսթավելիում հավաքված մարդկանց, եթե նույնիսկ վռնդեն այստեղ են»:

Վախթանգ Գոմելաուրիի խոսքով՝ հանրահավաքի մասնակիցների իրավունքները չեն կարող սահմանափակվել և իրավապահները գործելու են օրենքով սահմանված կարգով։

«Մենք գործելու ենք օրենքի սահմաններում։ Մենք կանենք այն, ինչ պետք է անենք։ Մենք գործելու ենք օրենքին համապատասխան և դրան կմոտենանք ըստ կանոնների և օրենքով։ Մենք չենք վռնդի, կանենք կուլտուրական ձևով: Թեժ աշունը մեզ համար նորություն չի լինի»,- ասաց Վախթանգ Գոմելաուրին։