Այս տարի ներդրումային ակտիվության աճը, ապրանքների առևտրի և զբոսաշրջության ոլորտներում նկատված դրական միտումները հանդիսացան տնտեսական աճին նպաստող գործոնը,- ասել է Վրաստանի էկոնոմիկայի և կայուն զարգացման փոխնախարար Վախթանգ Ցինցաձեն։

Ինչպես նշել է Վախթանգ Ցինցաձեն, այս տարի շարունակվում է բարձր տնտեսական աճի միտումը։

«Հունվար-հուլիսի տվյալներով միջին տնտեսական աճը կազմել է 7,2 տոկոս, իսկ հուլիսի տնտեսական աճը որոշվել է 5,5 տոկոսով։ Հարկ է նշել, որ արտաքին ցնցումների նկատմամբ Վրաստանի դիմադրողականությունը մեծանում է, ինչը պայմանավորված է Վրաստանի կառավարության ողջամիտ մակրոտնտեսական քաղաքականությամբ։ Նշենք, որ հուլիս ամսին տնտեսական աճին նպաստել են ֆինանսական և ապահովագրական, կրթության, շինարարության և առևտրի ոլորտներում նկատված միտումները։ Ընդհանուր առմամբ, ընթացիկ տարում տնտեսական աճին նպաստող գործոն է հանդիսացել ներդրումային ակտիվության աճը։ Դրական միտումներ են նկատվել նաև ապրանքաշրջանառության և զբոսաշրջության ոլորտներում։ Ըստ մեր ակնկալիքի՝ նշված դրական միտումները կշարունակվեն և կպահպանվեն նաև առաջիկա ամիսներին»,- ասել է Վախթանգ Ցինցաձեն։