Վրաստանի ներքին գործերի նախարար Վախտանգ Գոմելաուրին Հայաստան կատարած պաշտոնական այցի շրջանակներում հանդիպել է ՀՀ վարչապետ Նիկոլ Փաշինյանի հետ։

ՆԳՆ մամուլի ծառայությունից հայտնում են, որ Վախտանգ Գոմելաուրին շնորհակալություն է հայտնել Նիկոլ Փաշինյանին Վրաստանին ցուցաբերած աջակցության համար։ Վախթանգ Գոմելաուրիի խոսքով, Հայաստանը Վրաստանի համար շատ կարևոր գործընկեր և բարեկամ է.

ՆԳՆ-ից հայտնում են, որ կողմերը կարևորել են Վրաստանի և Հայաստանի իրավապահ մարմինների համագործակցությունը՝ երկու երկրների անվտանգության ապահովման և միջազգային հանցագործության դեմ արդյունավետ պայքարի համար։

«Մի քանի օր առաջ այստեղ էր Վրաստանի արդարադատության նախարարը, բայց, ցավոք, չկարողացա հանդիպել նրա հետ՝ «Կովիդ-19»-ի պատճառով։ Թբիլիսիում տնտեսական համագործակցության հայ-վրացական միջկառավարական հանձնաժողովի նիստում ամփոփել ենք անցած տարին։ Մինչ այդ մի քանի հանդիպում եմ ունեցել Վրաստանի վարչապետ, իմ ընկեր Իրակլի Ղարիբաշվիլիի հետ։ Օրերս Վրաստան էր այցելել Հայաստանի ոստիկանապետը։ Կարծում եմ՝ շատ կարևոր է, որ մեր իրավապահ մարմինները սերտորեն համագործակցեն։ Սա անհրաժեշտ է մեր երկրների անվտանգությունն ու օրենքի գերակայությունը պաշտպանելու համար»,- ասաց Նիկոլ Փաշինյանը։

Հայաստանի վարչապետ Նիկոլ Փաշինյանը առողջություն է մաղթել Covid-19-ով վարակված Վրաստանի վարչապետ Իրակլի Ղարիբաշվիլիին։

Երկօրյա այցի ընթացքում Վախտանգ Գոմելաուրին հանդիպել է Հայաստանի Հանրապետության ոստիկանապետ Վահե Ղազարյանի հետ։ Վրաստանի ներքին գործերի նախարարը կայցելի նաև Հայաստանի ոստիկանության տարբեր ստորաբաժանումներ։