Վրաստանի փոխվարչապետ, ներքին գործերի նախարար Վախտանգ Գոմելաուրին և առաջին տեղակալ Ռոլանդ Մեսխին աշխատանքային հանդիպում են անցկացրել Սամեգրելո-Զեմո Սվանեթիի ոստիկանության դեպարտամենտի ստորաբաժանումների ղեկավարների հետ։

Ներքին գործերի նախարարության մամուլի ծառայության հաղորդմամբ, Վախտանգ Գոմելաուրին մանրամասն տեղեկատվություն է լսել տարածաշրջանային ոստիկանության վարչության ղեկավարներից՝ հանցագործության դեմ պայքարի և իրենց գործունեության տարածքներում ոստիկանության կողմից ձեռնարկվող կանխարգելիչ միջոցառումների վերաբերյալ։

Նրանց խոսքով՝ հանդիպմանը քննարկվել են հանցագործությունների վիճակագրությունը և տարածաշրջանում բացահայտման մակարդակը։

«Ներքին գործերի նախարարը նաև կենտրոնացավ նախարարության գործունեության առաջնահերթ ոլորտների վրա։ Վախտանգ Գոմելաուրին գերատեսչության ներկայացուցիչներին տվեց աշխատանքային գործընթացի վերաբերյալ համապատասխան հանձնարարականներ և շնորհակալություն հայտնեց նրանց արդյունավետ աշխատանքի համար», – ասվում է ՆԳՆ հաղորդագրության մեջ։