2020 թվականին ոստիկանության կողմից 152 կիբերհանցագործներ ձերբակալվեցին և քրեական պատասխանատվության ենթարկվեցին, – այս մասին հայտարարել է ՆԳ նախարարի պաշտոնակատար Վախտանգ Գոմելաուրին՝ «Կառավարության զեկույցը քաղաքացիներին»-ի շրջանակներում, գերատեսչության 2020 թվականի զեկույցի շնորհանդեսին:

Նրա խոսքով, ներքին գործերի նախարարության համար առաջնահերթ խնդիր է թրաֆիքինգի դեմ պայքարը:

«Ես կցանկանայի նշել, որ ԱՄՆ պետդեպարտամենտի զեկույցի համաձայն, Վրաստանը լիովին համապատասխանում է թրաֆիքինգի կանխարգելման համար անհրաժեշտ միջազգային չափանիշներին, իսկ 2020 թվականին Վրաստանը կրկին առաջին զամբյուղում է:

Ինչ վերաբերում է կիբերհանցագործություններին, ինչպես գիտեք, 21-րդ դարում ժամանակակից տեխնոլոգիական մարտահրավերները զարգանում և կատարելագործվում են, և կիբերհանցագործությունների տեսակը նույնպես աճում է: Սա միայն Վրաստանի խնդիրը չէ, այդ մարտահրավերներին բախվում է ամբողջ աշխարհը:

2020 թվականին ոստիկանության կողմից 152 կիբերհանցագործներ ձերբակալվեցին և ենթարկվեցին քրեական պատասխանատվության:

Հիշեցնենք, որ վերջերս, Եվրոպոլի և Ինտերպոլի հետ համագործակցությամբ, մեր ոստիկանության աշխատակիցները մասնակցեցին ոստիկանության աննախադեպ միջազգային գործողության: Դրանում ներգրավված էին 16 երկրների իրավապահ գերատեսչություններ, ձերբակալվեց հանցավոր ցանցի 20 անդամ, այդ թվում վրացիներ, որոնք տասնյակ միլիոնավոր եվրոներ են լվացել աշխարհի առաջատար կիբերհանցագործների պատվերով: Այս գործողությանը նախորդել էր բարդ հետաքննություն եվրոպական և ամերիկյան երկրներում», – հայտարարել է Գոմելաուրին: