Չնայած կորոնավիրուսի տարածմանը և աշխատակիցների վարակվլու վտանգին՝ աշխատանքը ոչ մի րոպե չի խափանվել: Բոլորը պատշաճ կերպով արձագանքեցին մարտահրավերներին,- այս մասին հայտարարել է Ներքին գործերի նախարարի պաշտոնակատար Վախտանգ Գոմելաուրին՝ «Կառավարության զեկույցը քաղաքացիներին»-ի շրջանակներում, գերատեսչության 2020 թվականի զեկույցի շնորհանդեսին:

Նրա խոսքով, նախարարությունը գործում էր կառավարության որոշումներին համապատասխան.

«Մեր իրավասության շրջանակներում մեզ հանձնարարվել է.
• Ինքնամեկուսացման մեջ գտնվող անձանց պարբերական մոնիտորինգ.
• Կոնկրետ, բարձր ռիսկային տեղանքների մեկուսացում.
• Հատուկ հսկիչ-անցակետերի կազմակերպում;
• Կարանտինային գոտիների վերահսկում և պաշտպանություն;
• Երկրի սահմանային անցակետերի և պետական ​​սահմանի «կանաչ գծի» վերահսկում
• Դաշտային հիվանդանոցի բացում;
• Հատուկ կարանտինային ռեժիմով սահմանված սահմանափակումների կատարում:

Կցանկանայի շեշտել, որ նախարարությունը համակարգված էր աշխատում կառավարության տարբեր կառույցների հետ:

Ես ուզում եմ հիշել այն գիշերը, երբ փակվեցին Մառնեուլին և Բոլնիսին: Արտակարգ իրավիճակների կառավարման ծառայության մեր աշխատակիցները, զինվորների հետ միասին, մեկ գիշերվա ընթացքում դաշտային հիվանդանոց են կազմակերպել 100 մարդու համար», – հայտարարել է Գոմելաուրին:

Ըստ նրա, կորոնավիրուսի պայմաններում հատկապես ուշագրավ է, որ փորձագիտական-քրեական վարչության լաբորատորիան PСR մեթոդով թեստավորել է ՆԳՆ աշխատակիցներին:

«Հատուկ շնորհակալություն մեր գործընկեր միջազգային կազմակերպություններին համաճարակի դեմ պայքարի միջոցներ տրամադրելու համար:

Կորոնավիրուսի տարածման ռիսկերը նվազեցնելու համար ժամանակավոր կալանքի մեկուսարաններում հայտնված անձանց դատավարությունները իրականացվել են հեռակա կարգով: Մեկուսարանները կարողացանք ամենակարճ ժամանակահատվածում վերազինել անհրաժեշտ սարքավորումներով: Բոլոր վայրերում տրամադրվել է համապատասխան ենթակառուցվածք, իսկ անձնակազմը վերապատրաստվել է: Դատավարություններն անցկացվել են առանց կալանավորի մեկուսարանից դուրս գալու: Ընդհանուր առմամբ, 2020 թվականի նոյեմբերի 30-ի դրությամբ, մեկուսարանում գտնվող 3 337 անձինք դատվել են հեռակա կարգով», – նշել է Գոմելաուրին: