Վախտանգ Գոմելաուրի. Ցանկանում եմ շնորհակալություն հայտնել վարչապետին՝ կիբերանվտանգության ուղղությամբ ձեռնարկված կարևոր քայլերին աջակցելու համար
Վրաստանի ներքին գործերի նախարար Վախտանգ Գոմելաուրին այսօր «Radisson Blu Iveria» հյուրանոցում մասնակցել է «Վրացական կիբերանվտանգության ֆորում – 2023» բացման միջոցառմանը և հանդես եկել ելույթով։
Վախտանգ Գոմելաուրին շնորհակալություն է հայտնել վարչապետ Իրակլի Ղարիբաշվիլիին կիբերանվտանգության ուղղությամբ ձեռնարկված կարևոր քայլերին աջակցելու համար և խոսել ֆորումի կարևորության մասին։
«Ցանկանում եմ շնորհակալություն հայտնել պարոն վարչապետին՝ կիբերանվտանգության ուղղությամբ ձեռնարկվող կարեւոր քայլերին աջակցելու համար։ Այսօրվա ֆորումը կարևոր է ոչ միայն կիբերանվտանգության հարցերի շուրջ Վրաստանում ընթացող գործընթացներին ծանոթանալու, այլև աշխարհում այս ոլորտի հիմնական միտումները քննարկելու համար։ Այդ իսկ պատճառով ես ուրախ եմ, որ ֆորումին մասնակցում են կիբերանվտանգության ոլորտի առաջատար փորձագետներ և մեր բարեկամ երկրների և միջազգային կազմակերպությունների պաշտոնական ներկայացուցիչներ։ Մեր նպատակն է ավելի խորացնել համագործակցությունը ռազմավարական գործընկերների հետ ֆորումի միջոցով և խթանել երկխոսությունը այս ոլորտում կարևորագույն հարցերի շուրջ»,- ասել է Վախտանգ Գոմելաուրին։