Առանց մեր միջազգային գործընկերների աջակցության, մեզ համար դժվար կլիներ իրականացնել նախարարության զարգացման համար մի շարք կարևոր նախագծեր,- ասել է Վրաստանի ՆԳ նախարար Վախտանգ Գոմելաուրին` Ոստիկանի օրվան նվիրված հանդիսավոր միջոցառմանը:

Վախտանգ Գոմելաուրին շնորհակալություն է հայտնել միջազգային գործընկերներին աջակցության և համագործակցության համար։

«ՆԳՆ-ն շարունակում է կատարել Վրաստանի ստանձնած պարտավորությունները՝ եվրատլանտյան կառույցներին ինտեգրվելու նպատակով։ Մենք ակտիվորեն համագործակցում ենք միջազգային գործընկերների հետ՝ գերատեսչության ինստիտուցիոնալ հզորացման, եվրատլանտյան ինտեգրման, միջազգային իրավական համագործակցության զարգացման և դոնորների համակարգման ուղղությամբ։ Այստեղ ուզում եմ նշել, որ առանց մեր միջազգային գործընկերների աջակցության, մեզ համար դժվար կլիներ իրականացնել նախարարության զարգացման համար կարևոր մի շարք ծրագրեր։ Նրանց հետ մենք երկար տարիների սերտ և արդյունավետ համագործակցություն ունենք։ Այսօրվա միջոցառմանը մասնակցում են մեր միջազգային գործընկերները։ Իմ, ՆԳՆ-ի և Վրաստանի ոստիկանության անունից ցանկանում եմ շնորհակալություն հայտնել բոլորիդ երկար տարիների աջակցության, համագործակցության և արժանի գործընկերության համար»,- ասել է ՆԳ նախարարը։