«Արտաքին աուդիտի հաշվետվությունը կարևորագույն փաստաթղթերից է, որը ստեղծվում է Հանրային Հեռարձակողի մասին և որտեղ ներկայացվում է Հանրային Հեռարձակողի հաշվետվությունը»,- ասել է Վրաստանի Առաջին ալիքի հոգաբարձուների խորհրդի նախագահ Վասիլ Մաղլափերիձեն։

Մաղլափերիձեի խոսքով, արդեն երկրորդ տարին աուդիտի կողմից Վրաստանի Առաջին ալիքի գործունեության վերաբերյալ դրական եզրակացություն է կազմվում ։

«Պետք է ասել, որ Հանրային Հեռարձակողը թափանցիկ է հանրության համար, իրականացվել է 33500 գործողություն և փաստացի սխալ չկա, եթե չհաշվենք 16 լարի։ Սա նշանակում է, որ Առաջին ալիքը բացառապես լավ է աշխատում : Միշտ չէ, որ այսպես է եղել, չեմ մտնի այլ կազմակերպությունների քննարկման մեջ, բայց արդեն երկրորդ տարին աուդիտը դրական եզրակացություն է տվել Առաջին ալիքի գործունեության վերաբերյալ։ Արդեն որոշվել է, որ օգոստոսին Առաջին ալիքը կտեղափոխվի նորակառուց շենք, այն հարցին, որը տրվել է շարունակաբար, հաճախ դիտավորյալ անարդարացիորեն, պատասխան կտրվի։ Դա մեզ միայն ուժ տվեց։ Օգոստոսի վերջին բոլորը կտեսնեն, թե որքան լավ են ծախսվել այդ գումարները։ Միևնույն ժամանակ, հանրային հեռարձակողի գործող ղեկավարությունը նոր չափանիշ է սահմանել, հասարակությունը չի և չպետք է ների դրանից այն կողմ գնալը և նույնիսկ չնչին թերությունների մասին խոսելը։ Սա նոր չափանիշ է, որով հանրային հեռարձակողը նոր կյանք է սկսում։ Սա, անկասկած, ղեկավարության մեծ հաղթանակն է, և ինչ-որ չափով, առանց խոնարհության կասեմ, որ մենք՝հոգաբարձուների խորհրդը նույնպես հպարտանում ենք »,- ասել է Վասիլ Մաղլափերիձեն։

Միջազգային աուդիտորական ընկերությունը՝ «Moor ABC» ՍՊԸ-ն դրական եզրակացություն է պատրաստել Հանրային Հեռարձակողի ֆինանսական հաշվետվությունների վերաբերյալ։