Մեր պետության առջև կարևոր մարտահրավերներից մեկն այն է, որ բնակչության մի մասը կամ վատ գիտի, կամ չգիտի վրացերենը, հեռուստատեսությունն այս ուղղությամբ ունի ռեսուրսներ, որոնք կօգտագործենք մինչև վերջ», – ասաց Վրաստանի Առաջին ալիքի գլխավոր տնօրեն Վասիլ Մաղլափերիձեն:

Ինչպես նշել է Վասիլ Մաղլափիձեն, պետք է շատ լուրջ և արդյունավետ քայլեր ձեռնարկվեն, որպեսզի էթնիկ փոքրամասնությունների երիտասարդները սովորեն վրացերենը:

«Այս ուղղությամբ, Վրաստանի Առաջին ալիքը մեծ ծրագիր ունի: Մենք նույնպես ունենք բարոյական և ազգային պարտավորություն դա անելու համար: Նման մեծ նախագծերից է «Մեր վրաց լեզուն», որում ներգրավվելու են երիտասարդներ, բայց ապագայում այս ուղղությունը նույնիսկ ավելի լայնածավալ կլինի:

Պատրաստվում ենք, համագործակցում ենք կրթության նախարարության հետ: Մենք պետք է օգտագործենք ամբողջ փորձը և բարձրացնենք այս հարցը, որպեսզի մոտ ապագայում ունենանք շոշափելի էֆեկտ:

Երկիրը կորցնում է շատ կարևոր ռեսուրսներ, մեր քաղաքացիները լեզվի պատնեշի պատճառով լիարժեք ներգրավվելու հնարավորություն չունեն: Մենք պետք է այդ հարցը հնարավորինս արագ լուծենք: Կարծում եմ, որ հեռուստատեսությունն այս ուղղությամբ ունի ռեսուրսներ, որոնք կօգտագործենք մինչև վերջ», – ասաց Վասիլ Մաղլափերիձեն:

Վրաստանի Առաջին ալիքի նախագծի` «Մեր վրաց լեզուն» նպատակն է ժողովրդականացնել վրացերենը: Ծրագրի շրջանակներում նախատեսվում է մի շարք մրջոցառումներ: Ծրագրի մասերից մեկն է վրացերենի օնլայն-օլիմպիադան Վրաստանի շրջանների ոչ վրացալեզու դպրոցների համար: Այս տարի նախագիծն իրականացվում է Վրաստանում Ամերիկայի Միացյալ Նահանգների դեսպանատան աջակցությամբ:

Ոչ վրացալեղու դպրոցների յոթերորդ դասարանի աշակերտները կարող են մասնակցել օնլայն-օլիմպիադային: Նախագծի յուրաքանչյուր մասնակցին կփոխանցվի մասնակցության վկայական, իսկ երեք հաղթողներին կտրվեն մրցանակներ: Կպարգևատրվեն նաև հաղթող աշակերտների վրաց լեզվի և գրականության ուսուցիչները:

Նախագծի ֆեյսբուքյան էջում պարբերաբար կանցկացվեն վիկտորինաներ, հարցին ճիշտ պատասխանելու դեպքում, ոչ վրացալեզու դպրոցի աշակերտները կստանան խրախուսիչ նվերներ: