Վարկեթիլիի տոնավաճառի առևտրականների սեփականությունը ապահովագրված էր «Իրաո» ապահովագրական ընկերությունում և նրանց վնասը կփոխհատուցվի հաստատված ժամկետում: Այս մասին առաջին ալիքին հայտնել են ապահովագրության պետական վերահսկիչ ծառայությունից:

Գերատեսչության տեղեկությամբ, 2018 թվականի ապրիլի մեկից ուժի մեջ մտած օրենքի համաձայն, օբյեկտի սեփականատերը պարտավոր է ապահովագրել այն անձանց, ովքեր աշխատում են իր սեփականության մեջ գտնվող կոմերցիոն տարածքում: Բիզնեսօբյեկտը պարտավոր է գնել ինչպես առողջության այնպես էլ սեփականության ապահովագրությունը:

Վերահսկիչ ծառայությունում ասում են, որ շուկայի սեփականատեր «Վարկեթիլի 96»-ը կատարել է այդ պարտավորությունը, հետևաբար, ընկերությունն արդեն ստացել է համապատասխան ծանուցումը և ըկերության աշխատակիցները դեպքի վայրում են: Սակայն այս պահին տեղում ընթանում են քննչական գործողություններ և «Իրաո» ընկերության աշխատակիցները շուկայի տարածք հավանաբար մուտք կգործեն օրվա երկրորդ կեսին:

Ապահովագրության պետական ​​վերահսկողության ծառայության տեղեկությամբ, ապահովագրությունը տարածվում է մինչև 15 հազար լարիի ապրանքի վրա և առևտրականները առանց որևէ խնդիրների կստանան փոխհատուցում: