Ամբողջ կառավարությունը կենտրոնացված էր այս ամիսների ընթացքում, մենք ինտենսիվ բանակցություններ ենք վարել եվ Զազան ազատ է, շնորհակալություն բոլորին, ով մասնակցել է այս գործընթացին,- այս մասին Վրաստանի վարչապետ Իրակլի Ղարիբաշվիլին հայտարարել է Էրգնեթիում, որտեղ դիմավորել է բռնազավթիչ ռեժիմի կողմից ազատված Զազա Գախելաձեին։

Շնորհակալություն պատրիարքին, նախագահին, արտաքին գործերի նախարարության բոլոր աշխատակիցներին, ՆԳ նախարարին, առաջին հերթին ցանկանում եմ շնորհակալություն հայտնել այս հերոս տղայի ընտանիքի անդամներին- մայրիկին, հայրիկին, կնոջը, երեխաներին,- հայտարարել է Ղարիբաշվիլին։

Օկուպացիոն ռեժիմի կալանքից ազատված Զազա Գախելաձեն գտնվում է Վրաստանի կենտրոնական իշխանությունների կողմից վերահսկվող տարածքում։ Օկուպացիոն ռեժիմի կողմից ձերբակալված Զազա Գախելաձեն այսօր ազատ է արձակվել ապօրինի կալանքից:

Կասպիի մունիցիպալիտետի Քվեմո Ճալա գյուղի բնակիչ, Զազա Գախելաձեն բռնազավթիչ ուժերի կողմից ձերբակալվել էր 2020 թվականի հուլիսի 11-ին ՝ Սխվիլոյի ամրոցի տարածքում, որի ժամանակ նա վիրավորվել էր ոտքից: Փաստացի իշխանությունները Զազա Գախելաձեին, այսպես կոչված սահմանը խախտելուց բացի, մեղադրում էր նաև զինծառայողի կյանքը խլելու փորձի մեջ: Ընթացիկ տարվա փետրվարի 5-ին, բռնազավթված Ցխինվալիի այսպես կոչված դատարանը Զազա Գախելաձեին դատապարտեց 12 տարի վեց ամիս ապօրինի ազատազրկման:

Վարչապետ Իրակլի Ղարիբաշվիլին մայիսին հանդիպել է Զազա Գախելաձեի ընտանիքի անդամների հետ և նշել, որ Վրաստանի կենտրոնական իշխանություններն օգտագործում են առկա բոլոր լծակները ՝ նրան անհապաղ ազատելու համար, հարցը բարձրացվել է բարձր քաղաքական մակարդակում և ակտիվորեն քննարկվում է միջազգային գործընկերների հետ: Զազա Գախելաձեի հարցը բազմիցս բարձրացվել է Ժնևի բանակցությունների և միջադեպերի կանխարգելման և դրանց վրա արձագանքման մեխանիզմի շրջանակներում անցկացվող հանդիպումներում: Միևնույն ժամանակ, հունիսին Համայն Վրաստանի կաթողիկոս-պատրիարք Իլիա Երկրորդը նամակ է գրել Ռուսաստանի պատրիարք Կիրիլին ՝ խնդրելով ազատել Զազա Գախելաձեին: