Վարչապետի նախաձեռնության հետ կապված՝ մենք երկխոսություն ենք սկսել մասնավոր հատվածի հետ, ցանկանում ենք, որ ներգրավվածությունը լինի առավելագույնը և հետևաբար, նրանց տեսակետները հաշվի առնվեն հենց այն պատճառով, որ արտադրանքը արդյունավետ լինի, իրատեսական և իրագործելի: Բացի այդ, շահառուների շահերը, այդ թվում՝ այն մարդկանց, ովքեր բնակարան կստանան, և, իհարկե, շատ կարևոր է հաշվի առնել շինարարության ոլորտի շահերը,- այս մասին շինարարության և բանկային ոլորտների ներկայացուցիչների հետ աշխատանքային հանդիպման ավարտից հետո, ասել է փոխվարչապետ, էկոնոմիկայի և կայուն զարգացման նախարարը։

Հանդիպմանը, որին Լևան Դավիթաշվիլիի հետ միասին ներկա են գտնվել էկոնոմիկայի և կայուն զարգացման փոխնախարարներ Գենադի Արվելաձեն և Իրակլի Նադարեիշվիլին, առողջապահության փոխնախարար Իլիա Ղուդուշաուրին և բիզնես օմբուդսմեն Օթար Դանելիան, քննարկել են Վրաստանի վարչապետի կողմից նախաձեռնած նախագիծը, որը ենթադրում է տնտեսական աճի արագացում և հանրային, կոմունալ ենթակառուցվածքների բարելավման նպատակով, շինարարական ոլորտին աջակցություն: Նշված նախաձեռնությամբ վարչապետը հանդես է եկել փետրվարի 14-ին կառավարության նիստում.

«Մենք մասնավոր հատվածի հետ շատ մանրամասների մասին ենք խոսել, քննարկվել են բազմաթիվ վարկածներ, տարբեր հնարավորություններ և տարբերակներ, եղել են հետաքրքիր կարծիքներ դեվելոպերների և շինարարական ընկերությունների կողմից, եղել են կարծիքներ բանկերից՝ որոշակի պաշտպանություն, երկարաժամկետ պայմանագրեր, ապահովագրության տարրեր, դրանք կարող են լինել ֆինանսական գործիքներ, մենք դա կօգտագործենք աշխատանքային գործընթացում։ Շատ տեխնիկական մանրամասներ, իհարկե, կհստակեցվեն, և կարծում ենք, որ պետք է շատ արագ աշխատել, այնուհետև արդեն իսկ կայացած նախագծերի համար պետք է տարբեր տարբերակներ դիտարկենք, որպեսզի համաձայնեցված նախագիծ ունենանք, և վերջապես կառավարությունը կորոշի սկսել ծրագիրը որքան հնարավոր է շուտ»,- ասել է Լևան Դավիթաշվիլին։

Նրա խոսքով, այս ծրագիրը լրացուցիչ հնարավորություն է մոտ մեկ միլիարդ լարի ներգրավելու մասնավոր հատված և դա կարող է լինել բանկային հատվածի կողմից հատկացված ֆինանսները։

«Միլիարդ լարին տնտեսության զգալի, լրացուցիչ աճ է, հատկապես, երբ խոսում ենք շինարարության ոլորտի մասին, որը շատ դեպքերում օգտագործում է տեղական հումք։ Կարևոր է, որ կա աշխատանքի մի ամբողջ շղթա՝ կապված տեղական արտադրության հետ»,- ասել է Լևան Դավիթաշվիլին։

Նախարարի խոսքով, ծրագրի նախապատրաստման համար ստեղծվել է աշխատանքային խումբ, որին կմասնակցեն ասոցիացիաները, ինչպես նաև առանձին ընկերություններ, որոնք պատրաստ կլինեն դա անել: Աշխատանքային խմբում կլինեն կոնկրետ մարդիկ էկոնոմիկայի նախարարությունից, ինչպես նաև տարբեր գերատեսչություններից, և խումբը շատ ակտիվ կաշխատի վերջնական նախագիծն արագ ձևակերպելու և Վրաստանի կառավարությանը ներկայացնելու ուղղությամբ։