Վրաստանի վարչապետ Իրակլի Ղարիբաշվիլիի և Թուրքմենստանի նախագահ Սերդար Բերդիմուհամեդովի հանդիպմանը քննարկվել են Վրաստան-Թուրքմենստան հարաբերությունների խորացումը, համատեղ նախագծերը և Վրաստանի ու Թուրքմենստանի տարանցիկ ներուժը։

Վրաստանի վարչապետի մամուլի ծառայությունից հայտնում են, որ Իրակլի Ղարիբաշվիլին նշել է, որ Վրաստանը կարևորում է Թուրքմենստանի հետ սերտ քաղաքական և տնտեսական հարաբերությունները։ Զրույցն անդրադարձել է տարածաշրջանային տրանսպորտային ծրագրերին և դրանց հետագա զարգացմանը։ Ասվել է, որ այս ռազմավարական նախագծերի իրականացումը կբարձրացնի Ասիայի և Եվրոպայի միջև Կասպից և Սև ծովերով բեռնափոխադրումների արդյունավետությունն ու անվտանգությունը՝ դրանով իսկ ընդլայնելով առևտրատնտեսական հարաբերությունները և կնպաստի միջտարածաշրջանային կապերի զարգացմանը։

Ըստ նրանց հաղորդագրության, զրույցի ընթացքում անդրադարձ է եղել նաև էներգետիկայի ոլորտում ռազմավարական գործընկերությանը, և պատրաստակամություն է արտահայտվել էլ ավելի խորացնելու առկա համագործակցությունը։