Մադրիդ կատարած այցի ընթացքում Վրաստանի վարչապետ Իրակլի Ղարիբաշվիլին հանդիպել է ԱՄՆ Սենատի կոնգրեսականների պատվիրակությանը՝ Սենատի արտաքին հարաբերությունների կոմիտեի նախագահ սենատոր Ժան Շահինի և սենատոր Թոմ Թիլիսի գլխավորությամբ։

Հանդիպմանը քննարկվել է Վրաստանի և Ամերիկայի Միացյալ Նահանգների միջև ռազմավարական գործընկերությունը, որը հիմնված է ընդհանուր արժեքների և շահերի վրա։ Քննարկվել են երկու երկրների միջև ռազմավարական գործընկերության ոլորտներում արձանագրված ձեռքբերումները։ Արտահայտվել է երկու երկրների սերտ համագործակցությունն էլ ավելի խորացնելու պատրաստակամություն։

Հանդիպմանը քննարկվել են Վրաստանի եվրոպական և եվրատլանտյան նկրտումները և Եվրամիությանը լիիրավ անդամակցության և ՆԱՏՕ-ին անդամակցելու ճանապարհին երկրի արձանագրած առաջընթացը։

Կառավարության ղեկավարը նշել է, որ պաշտոնապես ճանաչվել է Վրաստանի եվրոպական հեռանկարի վերաբերյալ Եվրահանձնաժողովի կարծիքը, որը Եվրահանձնաժողովի հանձնարարականով վերահաստատվել է Եվրոպական խորհրդի կողմից։

Վարչապետը շնորհակալություն է հայտնել սենատորներին՝ Վրաստանի ինքնիշխանությանը, տարածքային ամբողջականությանը և եվրոպական ու եվրատլանտյան նկրտումներին ցուցաբերած անսասան աջակցության համար։