Վրաստանի վարչապետ Իրակլի Ղարիբաշվիլին շրջակա միջավայրի պահպանության և գյուղատնտեսության նախարար Օթար Շամուգիայի և կառավարության վարչակազմի տարածաշրջանային կապերի բաժնի ղեկավար Լերի Բառնաբիշվիլիի հետ այցելել է «Բադագոնի» գինեգործական ընկերություն։

Վարչապետի մամուլի ծառայությունից հայտնում են, որ կառավարության ղեկավարն այցելել է գործարան և տեղեկություններ լսել «Բադագոնում» արտադրական գործընթացի մասին։

Գինեգործական «Բադագոնի» գործարանը հիմնադրվել է 2006 թվականին, որին պատկանում են 2 գործարաններ Ախմետայում և Մանավում։ Ընկերությունն ունի 400 հա խաղողի այգիներ Կախեթիի բոլոր միկրոգոտիներում։ Այն արտադրում է գինի, փրփրուն գինի և ճաճա՝ տարեկան 12 մլն շիշ։

«Բադագոնին» գործում է աշխարհի 35 երկրներում և առաջատար է ինչպես ներքին շուկայում, այնպես էլ արտահանման ուղղությամբ։ Ընկերությունը, որտեղ աշխատում է ավելի քան 1000 մարդ, այս տարի նախատեսում է վերամշակել 10000 տոննա խաղող։ «Բադագոնին» 15 մլն լարիի ագրովարկ է օգտագործում խաղող գնելու համար։ Ինչպես նաև «Արտադրիր Վրաստան» պետական ​​ծրագրի շրջանակներում 2 500 000 լարի վարկով կառուցվել է նոր արտադրական տարածք 3800 քմ.: Այս փուլում ընկերությունը բնակչությունից մթերել է մինչև 7000 տոննա խաղող։ Վարչապետի հետ «Բադագոնում» ներկա էին գործադիրի, օրենսդիրի, տեղական իշխանության ներկայացուցիչներ։

Տեղեկությունը տարածում է վարչապետի մամուլի գրասենյակը։