Վրաստանում, կորոնավիրուսով վարակված դիմորդ Անա Օնիանին հայտարարում է, որ կրթության նախարարից անձամբ է տեղեկացել, որ կարող է հանձնել քննությունները:

Անա Օնիանին շնորհակալություն է հայտնում կրթության նախարարությանը և վարչապետին: Բացի այդ, դիմորդը նշում է, որ իրեն լավ է զգում:

«Ինձ լավ եմ զգում: Ցածր ջերմություն ունեմ: Երեկ ինձ զանգահարեց կրթության նախարարության հասարակության հետ հարաբերության վարչության ներկայացուցիչը: Ինձ հետ խոսեց նաև նախարարը և տեղեկացա, որ կարող եմ հանձնել քննությունները: Շատ երջանիկ եմ և երախտապարտ, նաև վարչապետին, ով այսօր իմ մասին հայտարարությամբ հանդես եկավ»,- Վրաստանի Առաջին ալիքին հայտնել է Անա Օնիանին:

Բացի այդ, Օնիանին նշել է, որ վրացերենի քննությունը հանձնելուց հետո գնացել է ընտանիքի անդամներից մեկի մոտ, ում մոտ ավելի ուշ ախտորոշվել է կորոնավիրուս:

Կրթության նախարարության փոխանցմամբ, նշված դիմորդի համար ապահովված կլինի համապատասխան միջավայր այն տարածքում, որտեղ վարակակիր պացիենտն ստանում է բուժում: Քննությունը կանցկացվի բժիշկների և քննությունների կենտրոնի ներկայացուցիչների հսկողության տակ: