Ուկրաինայի զինված ուժերի գերագույն գլխավոր հրամանատար Վալերի Զալուժնին իր աշխատասենյակում լսող սարքի հայտնաբերումը ճնշում չի համարում և հայտարարում է, որ «սա պատերազմ է»։ Այս մասին Զալուժնին ասել է լրագրողներին։

Հարցին, թե լսող սարքերի հայտնաբերումը համարում է ճնշում, Զալուժնին պատասխանել է. «Ոչ, հիմա պատերազմ է։ Թե դա ինչ կարող է լինել, կպարզի քննությունը»:

Բացի այդ, Զալուժնին ասել է, որ կաբինետում պետական ​​գաղտնիքներ չեն քննարկվել։ Ուկրաինայի Զինված ուժերի գերագույն գլխավոր հրամանատարի խոսքով, ինքը երկար ժամանակ չի եղել այն գրասենյակում, որտեղ տեղադրված է եղել լսող սարքը, և պետք է ժամաներ այսօր ժամը յոթին։

«Այս սենյակը նախկինում օգտագործվել է, սակայն երկար դադար է եղել, ուստի սարքը տեղադրվել է իմ հանդիպումից առաջ»,- ասել է Զալուժնին։