Սեպտեմբերի 5-ին Վրաստանի մինչև 21 տարեկանների հավաքականը Բաթումում կհյուրընկալի Մոլդովային: Հանդիպումը կմեկնարկի ժամը 20:00-ին «Բաթումի Արենայում», հանդիպման ուղիղ ռեպորտաժը կներկայացնի Վրաստանի առաջին ալիքը:
Վրաստանի և Մոլդովայի երիտասարդական հավաքականների հանդիպման տոմսերը կարելի է ձեռք բերել tkt.ge էջում, բացի այդ սեպտեմբերի 5-ին ժամը 11:00-ից «Բաթումի Արենայում» տոմսարկղերը բաց կլինեն։
Հանդիպումից առաջ երիտասարդական հավաքականի գլխավոր մարզիչ Ռամազ Սվանաձեն թիմին մարզել է «Բաթումի Արենայում», ապա մեկնաբանել առաջիկա հանդիպումը:
«Վրաստանի երիտասարդական հավաքականը վերջին շրջանում բավականին լավ արդյունքներ է ցույց տալիս։ Պատրաստվելու համար շատ ժամանակ չունեինք, բայց փորձեցինք առավելագույնս օգտագործել այս կարճ ժամանակահատվածը։ Ես հավատում եմ իմ խաղացողներին, մենք վաղուց ենք հավաքվում ու հաջող շրջան ենք ապրում։ Հիմա մտածում ենք միայն Մոլդովայի դեմ խաղի մասին, որը մրցաշարի տեսանկյունից մեծ նշանակություն ունի։ Մենք պատրաստ ենք, բայց ամեն ինչ կորոշվի միայն խաղադաշտում։
Ես խնդրում եմ երկրպագուներին գալ և աջակցել մեզ, քանի որ մենք այլ թիմ ենք, երբ մեր երկրպագուները մեզ ոգևորում են»:
Մոլդովայի հետ խաղից հետո Ռամազ Սվանաձեի թիմը կմեկնի Վենլո և կհանդիպի Հոլանդիայի մինչև 21 տարեկանների հավաքականի հետ։
Մրցաշարային աղյուսակ
| Տեղ | Թիմ | Խ | Հ | Ո | Պ | Գն. | Միավոր |
| 1 | Նիդեռլանդներ | 7 | 7 | 0 | 0 | 21-2 | 21 |
| 2 | Վրաստան | 6 | 4 | 1 | 1 | 6-3 | 13 |
| 3 | Շվեդիա | 6 | 3 | 1 | 2 | 13-5 | 10 |
| 4 | Մոլդովա | 7 | 2 | 0 | 5 | 6-15 | 6 |
| 5 | Հյուս. Մակեդոնիա | 6 | 2 | 0 | 4 | 3-7 | 6 |
| 6 | Գիբրալտար | 8 | 1 | 0 | 7 | 3-20 | 3 |
Երիտասարդական թիմի կազմը.
Դարպասապահներ՝ Միխեիլ Մաքացարիա («Դինամո Թբիլիսի»), Լուկա Խառատիշվիլի (Բաթումի «Դինամո»), Լևան Թանդիլաշվիլի («Թելավի»)։
Պաշտպաններ՝ Դավիթ Գոգոտիշվիլի («Թելավի»), Սաբա Խվադագիանի, Նիկոլոզ Ուգրեխելիձե (երկուսն էլ՝ «Դինամո Թբիլիսի»), Սաբա Մամացաշվիլի («Սիրիուս», Շվեդիա), Զուրաբ Ռուխաձե («Դիլա»), Դավիթ Զուրաբիանի (Փոթի «Կոլխեթի») , Լադո Օդիշվիլի («Թելավի»), Սաբա Սազոնով («Էմպոլի», Իտալիա):
Կիսապաշտպաններ՝ Լաշա Օդիշարիա (ՌՖՍ Ռիգա, Լատվիա), Օթար Մամագաիշվիլի, Գիզի Մամագաիշվիլի (երկուսն էլ՝ «Իբերիա 1999»), Լևան Օսիղմաշվիլի («Դինամո Թբիլիսի»), Իրակլի Էգոյան («Վիտես», Հոլանդիա), Լուկա Գագնիձե (Մոսկվա), Ռուսաստան), Նոդար Լոմինաձե («Դիլա»), Թոռնիկե Մոջլաձե («Թելավի»):
Հարձակվողներ՝ Վասիլիոս Գորդեզիանի («Դինամո Թբիլիսի»), Գիորգի Կվերնաձե («Ֆրոսինոնե», Իտալիա), Գիորգի Աբուաշվիլի (Փոթի «Կոլխեթի»), Ջադուլի Յոբաշվիլի («Դինամո Թբիլիսի»)։
