2021 թվականի 11 ամսում տրանսպորտային միջոցի պարտադիր տեխզննման է ենթարկվել 713 623 ավտոմեքենա։ Վրաստանի տրանսպորտային միջոցների զննման կենտրոնների ասոցիացիայի տվյալներով՝ տարեկան տեխզննում անցնող մեքենաների թիվը գնալով նվազում է։

Ասոցիացիայից պահանջված վիճակագրության համաձայն՝ 2019 թվականի նույն ժամանակահատվածի համեմատ ամբողջությամբ ստուգված մեքենաների թիվը նվազել է 423 832-ով։

2019 թվականի հունվար-նոյեմբերին եղել է 1 137 455 զննված ավտոմեքենա։

Տվյալներն ուշագրավ են հատկապես այն ֆոնին, որ 2019 թվականի համեմատ Վրաստանում գրանցված տրանսպորտային միջոցների թիվն աճել է 146 394-ով։

Վրաստանում 2019 թվականին գրանցված է եղել 1 375 794 մեքենա, այսօր այդ թիվը 1 522 188 է։

Տեսչական կենտրոնների ասոցիացիայում գտնում են, որ դա պայմանավորված է հարկադիր մեխանիզմի հետ կապված խնդիրներով։ Նրանց պահանջն է՝ վերապատրաստել պարեկային ոստիկաններին և սկսել այսպես կոչված Ճանապարհային զննում: Դավիթ Մեսխիշվիլիի խոսքով՝ նման մոտեցումը վարորդներին կդրդի հետագայում տեխզննում անցնել։