Հարավային Կովկասում Եվրամիության հատուկ ներկայացուցիչ, Ժնևի բանակցությունների համանախագահ Տոյվո Կլաարիի խոսքով, միջազգային ներկայացուցչությունը լայնորեն մասնակցում է Շվեյցարիայում Ժնևի բանակցությունների հերթական փուլին։ Սա, ըստ նրա, ինքնին շատ արժեքավոր է:

Ինչպես նշել է Տոյվո Կլաարը, Ժնևի բանակցությունների ձևաչափի պահպանումը շատ կարևոր է։

«Սա միակ ձևաչափն է, որը մեկ սեղանի շուրջ է հավաքում Վրաստանը, Ռուսաստանը, Ամերիկայի Միացյալ Նահանգները, ինչպես նաև աբխազներին ու օսերին, և այն անցկացվում է ՄԱԿ-ի, ԵԱՀԿ-ի և Եվրամիության համանախագահությամբ։ Այսինքն՝ ֆորմատում մասնակիցների միջազգային ներկայացվածությունը լայն է, ինչն ինքնին շատ արժեքավոր է։ Այս ձևաչափը ստեղծվել է 2008 թվականի պատերազմից հետո և կարծում եմ, որ այն շատ կարևոր է բոլոր մասնակիցների անվտանգության և կայունության համար։ Դա կենսական ձևաչափ է և՛ հանդիպումների, և՛ հետագա զարգացման համար: Մենք աշխատում ենք սրա համար: Կարծում եմ՝ կարևոր է պահպանել այս ձևաչափը։ Իհարկե, հիմա, միջազգային անվտանգության տեսանկյունից, իրավիճակը բարդ է, բայց հենց այդ պատճառով է, որ այս ձևաչափի առկայությունը կարևոր է։ Դադարեցման դեպքում շատ դժվար կլինի այն վերականգնել»,- ասել է Տոյվո Կլաարը։