Թվում է, Նինո Բուրջանաձեին Վլադիմիր Պուտինի հանդեպ պարբերաբար սեղմում է կարոտախտը. Լևան Իոսելիանի
Թվում է, որ տիկին Նինո Բուրջանաձեն Վլադիմիր Պուտինի նկատմամբ ունենում է պարբերաբար կարոտախտ, – այսպես է արձագանքել ընդդիմադիր պատգամավոր, «Մոքալաքեեբի» կուսակցության անդամ Լևան Իոսելիանին, «Միասնական Վրաստանի» առաջնորդ Նինո Բուրջանաձեի հայտարարությանը:
Իոսելիանիի խոսքով, Բուրջանաձեի վերաբերմունքը Ռուսաստանի նկատմամբ արդեն հայտնի էր, և ոչինչ չի փոխվել:
«Կարծես թե տիկին Նինոն պարբերաբար կարոտախտ է զգում պարոն Վլադիմիր Պուտինի ու Ռուսաստանի նկատմամբ: Նրա դիրքորոշումը հայտնի է: Մենք արդեն գիտեինք նրա վերաբերմունքը Ռուսաստանի նկատմամբ: Ցավալի է, բայց ոչինչ չի փոխվել», – հայտարարել է Լևան Իոսելիանին:
«Միասնական Վրաստանի» առաջնորդ Նինո Բուրջանաձեն «Էխո Մոսկվի»-ին տված հարցազրույցում ասել է, որ Ռուսաստանում, ռուս-վրացական հարաբերությունները կարող է բարելավել միայն նախագահ Վլադիմիր Պուտինը: