Թուրքիայում, Մերսին-Անթալիա ավտոճանապարհին տեղի ունեցած վթարի հետեւանքով զոհվել է 9 մարդ, վիրավորվել՝ 30-ը
Թուրքիայի Մերսին-Անթալիա ավտոճանապարհին տեղի ունեցած վթարի հետեւանքով զոհվել է 9 մարդ, վիրավորվել՝ 30-ը։
Տեղական լրատվամիջոցների փոխանցմամբ՝ Մարմարիսից Մարդին ուղեւորվող միջքաղաքային ավտոբուսը Մերսին-Անթալիա ավտոճանապարհով բախվել է մայրուղու արգելապատնեշին ու շրջվել։
Վթարի պատճառով դեպքի վայր են մոբիլիզացվել հրշեջ և արտակարգ ծառայությունները։