Թուրքիայի պաշտպանության նախարարությունը հայտնել է, որ Սև ծովի վրա անօդաչու թռչող սարք է խոցվել

10:42, 16.12.2025

Թուրքիայի պաշտպանության նախարարության հաղորդմամբ՝ Սև ծովի վրայով, երկրի օդային տարածքին մոտ, խոցվել է «չկառավարվող» դրոն։

«Օդային տարածքի անվտանգության ապահովման նպատակով օդ են բարձրացվել մեր և ՆԱՏՕ-ի F-16 տեսակի կործանիչները», – նշված է Թուրքիայի պաշտպանության նախարարության հայտարարության մեջ։

Նախարարության տվյալներով՝ դրոնը մոտենում էր Թուրքիայի օդային տարածքին, և այն հայտնաբերվել է պարբերական ստուգումների ընթացքում։

Հայտարարությունում ոչինչ չի ասվում դրոնի տեսակի կամ այն մասին, թե որ երկրից էր այն։

Հեղինակ - Anna Badalian

Միջազգային