Թուրքիայի մունիցիպալ ընտրությունների ձայների հաշվարկը շարունակվում է։ Ըստ լրատվամիջոցների, առկա տվյալների համաձայն՝ «Ժողովրդահանրապետական ​​կուսակցությունը» առաջատար է բոլոր խոշոր քաղաքներում՝ Ստամբուլում, Անկարայում եւ Իզմիրում։

Քվեաթերթիկների 72,43 տոկոսի հաշվարկից հետո Ստամբուլի գլխավոր ընդդիմադիր կուսակցության՝ «Ժողովրդահանրապետական ​​կուսակցության» ներկայիս նախագահ Էքրեմ Իմամօղլուն 50,37 տոկոսով առաջատարն է, իսկ «Արդարություն և զարգացում» կուսակցության նրա մրցակիցը՝ Շրջակա միջավայրի պահպանության նախկին նախարար Մուրադ Քուրումը ունի՝ 40,9 տոկոս։

Թուրքիայի մայրաքաղաք Անկարայում գործող քաղաքապետ Մանսուր Յավասն առաջատարն է 58,79 տոկոսով, իսկ Թուրգութ Ալթինոքը՝ 33,27 տոկոսով։

Իզմիր քաղաքում ընտրողների 48,25 տոկոսը քվեարկել է «Ժողովրդահանրապետական ​​կուսակցության» թեկնածու Ջեմիլ Տուգայի օգտին, իսկ Համզա Դաղը ստացել է՝ 37,06 տոկոս։ Իզմիրում հաշվվել է քվեաթերթիկների 70 տոկոսը։

Ընտրություններին մասնակցում է 34 քաղաքական կուսակցություն։ Երկրում բացվել է 200 հազար ընտրատեղամաս։