Թուրքիայի նախագահ Ռեջեփ Թայիփ Էրդողանը հաջորդ շաբաթ կմեկնի Ռուսաստան և կհանդիպի Վլադիմիր Պուտինի հետ, հայտարարել է Թուրքիայի իշխող «Արդարություն և զարգացում» կուսակցության խոսնակ Օմեր Չելիքը։

Ըստ Չելիքի՝ Էրդողանի Ռուսաստան ժամանելը և նախագահ Վլադիմիր Պուտինի հետ հանդիպումը կարող են առաջընթաց նշանակել Ռուսաստանին Սևծովյան հացահատիկի համաձայնագրին վերադարձնելու հարցում։

«Էրդողանը մինչ այժմ վարում է ինտենսիվ դիվանագիտություն՝ օգնելու կանխել համաշխարհային պարենային ճգնաժամը», – ասել է Չելիքը։

Նա նաև նշել է, որ հանդիպումը կկայանա Սոչիում։

Ավելի վաղ Էրդողանի հետ հեռախոսազրույցում Վլադիմիր Պուտինը նշել էր, որ Մոսկվան պատրաստ է վերադառնալ Սեւծովյան հացահատիկի համաձայնագրին, հենց որ Արեւմուտքը կատարի ռուսական հացահատիկի արտահանման հետ կապված իր պարտավորությունները։