Թուրքիայի դեսպան. Ողջունում ենք բոլոր կողմերի բոլոր որոշումները, որոնք ծառայում են Վրաստանում ժողովրդավարական ինստիտուտների զարգացմանը
Ողջունում ենք բոլոր կողմերի բոլոր որոշումները, որոնք ծառայում են Վրաստանում ժողովրդավարական ինստիտուտների զարգացմանը, – Վրաստանի Առաջին ալիքին ասել է Վրաստանում Թուրքիայի դեսպան Ֆաթմա Ջերեն Յազգանը:
Նա մեկնաբանել է «Ազգային շարժման» խորհրդարան մտնելու որոշումը և Միշելի փաստաթուղթը ստորագրելուց հրաժարվելը:
«Որպես կանոն, ես չեմ մեկնաբանում ներքին քաղաքականությունը, բայց կարող եմ ասել, որ Թուրքիան աջակցում է Վրաստանում ժողովրդավարական ինստիտուտների զարգացմանը և ժողովրդավարական կայունությանը: Մենք նաև ողջունում ենք բոլոր կողմերի բոլոր որոշումները, որոնք ծառայում են այդ նպատակին», – ասաց Թուրքիայի դեսպանը: