Թուրքիայի արտգործնախարար. Եթե «Քրդստանի աշխատավորական կուսակցությունը» չկատարի Սիրիան լքելու վերջնագիրը, ռազմական գործողությունը կլինի անհրաժեշտ պատասխանը
Եթե «Քրդստանի աշխատավորական կուսակցություն» ահաբեկչական խմբավորումը չկատարի Սիրիան լքելու իր վերջնագիրը, ռազմական գործողությունն անհրաժեշտ պատասխան կլինի, հայտարարել է Թուրքիայի արտգործնախարար Հաքան Ֆիդանը։
Թուրքիայի արտաքին գործերի նախարարության ղեկավարի խոսքով՝ միջազգային ահաբեկիչ համարվող անձինք, որոնք Սիրիա են ժամանում Թուրքիայից, Իրանից և Իրաքից, պետք է անհապաղ լքեն երկիրը։ Ֆիդանիի խոսքով՝ Սիրիայի նոր վարչակազմը պետք է պատշաճ գնահատական ստանա, քանի որ այն չի վախենում պատերազմից։
Թուրքիայի արտգործնախարարի խոսքով՝ ահաբեկչական խմբավորման անդամների՝ Սիրիայից հեռանալուց հետո մյուս խմբավորումները պետք է վայր դնեն զենքերը և միանան նոր համակարգին։
«Սիրիայի քրդերը, որոնք կապված չեն Քրդստանի աշխատավորական կուսակցության հետ, պետք է կարողանան նորմալ կյանքով ապրել և մասնակցել հասարակական կյանքին՝ չվնասելով իրենց կյանքին կամ ունեցվածքին: Սիրիայի նոր վարչակազմը դա երաշխավորում է, քանի որ դա մեր պայմաններից մեկն է»,- ասել է Հաքան Ֆիդանը։