Թուրքիայի արտաքին գործերի նախարար. Կա հիանալի հնարավորություն Հարավային Կովկասը վերածելու խաղաղության և կայունության վայրի
«Հիանալի հնարավորություն է ստեղծվել Հարավային Կովկասը վերածելու խաղաղության և կայունության վայրի»,- հայտարարել է Թուրքիայի արտգործնախարար Հաքան Ֆիդանը Ադրբեջանի և Վրաստանի արտգործնախարարների հետ եռակողմ հանդիպումից հետո։
Նրա խոսքով, տարածաշրջանում խաղաղության ապահովումը ձեռնտու է բոլոր երկրներին։
«Հարավային Կովկասը խաղաղության և կայունության վայրի վերածելու հիանալի հնարավորություն կա։ Տարածաշրջանում խաղաղության ապահովումը ձեռնտու է բոլոր երկրներին: 2020 թվականի նոյեմբերից հետո դրա պատմական հնարավորությունը հայտնվեց»,- ասաց նախարարը։
Նախարարը նշել է նաև, որ Հարավային Կովկասում խաղաղության ապահովումը կարևոր է ոչ միայն տարածաշրջանի, այլև համաշխարհային անվտանգության տեսանկյունից։
«Կարևոր է, որ մյուս տարածաշրջանների երկրները նույնպես աջակցեն այնպիսի նախագծերին, ինչպիսին է Զանգեզուրի միջանցքը, որը կարևոր է տարածաշրջանային և գլոբալ մասշտաբով»,- ասաց Ֆիդանը։