Թուրքիայի արտաքին գործերի նախարար Հաքան Ֆիդանը հանդիպել է Մարկո Ռուբիոյի հետ
Թուրքիայի արտգործնախարար Հաքան Ֆիդանը ԱՄՆ այցելության շրջանակում հանդիպել է Մարկո Ռուբիոյի հետ Պետդեպարտամենտում։ Ինչպես տեղեկացնում է Պետդեպարտամենտը, Ֆիդանը դիմել է ԱՄՆ բարձրաստիճան պաշտոնյաներին՝ Թուրքիայի նկատմամբ սահմանված պատժամիջոցները հանելու և ռազմավարական համագործակցությունը վերականգնելու խնդրանքով։
Պետդեպարտամենտի հաղորդմամբ, հանդիպման ընթացքում քննարկվել են անվտանգության և առևտրի կարևոր հարցեր։ Մարկո Ռուբիոն խնդրել է Թուրքիայի աջակցությունը Ուկրաինայում և Հարավային Կովկասում խաղաղության հաստատման գործընթացում։
Միաժամանակ, Ռուբիոն մտահոգություն է հայտնել Թուրքիայում վերջերս տեղի ունեցող բողոքի ցույցերի կապակցությամբ։