Թուրքական հատուկ ծառայությունները ձերբակալել են 51 մարդու, ովքեր կասկածվում են «Իսլամական պետության» հետ կապ ունենալու մեջ
Թուրքական հատուկ ծառայությունները ձերբակալել են 51 մարդու, ովքեր կասկածվում են «Իսլամական պետություն» ահաբեկչական խմբավորման հետ կապ ունենալու մեջ։ Այս մասին հայտարարել է Թուրքիայի ներքին գործերի նախարար Ալի Երլիքայան։
Թուրքիայի կառավարության ներկայացուցչի խոսքով՝ կասկածյալներին ձերբակալելու գործողություններ են իրականացվել Թուրքիայի 21 նահանգներում։
Գործողությանը մասնակցում էին ոստիկանության շրջանային ստորաբաժանումները և համակարգում էին դատախազությունը, գլխավոր անվտանգության վարչությունը, հետախուզական վարչությունը և ահաբեկչության դեմ պայքարի վարչությունը։
«Իսլամական պետության» հետ կապված ամենամեծ թվով կասկածյալները՝ տասը մարդ, ձերբակալվել է Անկարայի նահանգում։ Թուրքիայի ներքին գործերի նախարարը նշել է, որ գործողությունների ընթացքում առգրավվել է մեծ քանակությամբ կազմակերպչական փաստաթղթեր և թվային նյութեր։