Թուրք-գերմանական SunExpress ավիաընկերությունը սկսել է գործել վրացական շուկայում։ Վրաստանի օդանավակայանների միության տվյալներով՝ ավիաընկերությունն իր առաջին կանոնավոր չվերթն Անթալիայից Թբիլիսիի միջազգային օդանավակայան է կատարել լուսադեմին Boeing 737-800 ինքնաթիռով և բերել 135 ուղևոր։

«Երկամյա բանակցային գործընթացը հաջողությամբ ավարտվեց Վրաստանի օդանավակայանների միության կողմից ավիաընկերության հետ։ «SunExpress»-ը Թբիլիսիի միջազգային օդանավակայան կթռչի միաժամանակ Թուրքիայի երեք քաղաքներից՝ մայրաքաղաք Անկարայից, Անթալիայից և Իզմիրից շաբաթական հինգ հաճախականությամբ»,- նշել են Օդանավակայանների ասոցիացիայում։

Վրաստանի օդանավակայանների ասոցիացիայի բիզնեսի զարգացման մենեջեր Վակո Ճիլաշվիլիի խոսքով՝ նոր ավիաընկերությունն էլ ավելի կբարձրացնի մրցակցությունը շուկայում։

«Sun Express ավիաընկերությունն իր առաջին կանոնավոր չվերթն է իրականացրել Անթալիայից Թբիլիսիի միջազգային օդանավակայան։ Ավիաընկերությունը Թբիլիսի է թռչում Անթալիայից և Իզմիրից շաբաթական երկու անգամ, իսկ մայրաքաղաք Անկարայից շաբաթական մեկ անգամ։

Երկու տարուց ավելի է, ինչ բանակցում ենք ավիաընկերության հետ, և մի քանի ամիս առաջ նրանց կողմից դրական որոշում կայացվեց շահագործման մեկնարկի վերաբերյալ։ Հուսով ենք, որ Sun Express-ի նման նոր ավիաընկերության մուտքն էլ ավելի կմեծացնի մրցակցությունը վրացական ավիաշուկայում, ինչն իր հերթին կնպաստի Վրաստանի և Թուրքիայի միջև զբոսաշրջության զարգացմանը»,- ասել է Վակո Ճիլաշվիլին։

Վրաստանի օդանավակայանների միության տվյալներով՝ SunExpress-ը 33 տարի առաջ Անթալիայում հիմնադրված ավիաընկերություն է և հանդիսանում է Իզմիրի և Անթալիայի հիմնական ավիափոխադրողը։

Այն դարձավ առաջին մասնավոր ավիաընկերությունը, որը հաճախորդներին առաջարկեց ուղիղ կանոնավոր թռիչքներ Թուրքիայի և Գերմանիայի միջև 2001 թվականին:

Ըստ SKYTRAX-ի՝ SunExpress-ը ճանաչվել է 2022 թվականի լավագույն տուրիստական ​​ավիաընկերություն»,- նշվում է Վրաստանի օդանավակայանների միության տեղեկատվության մեջ։