Աջարիայի կառավարության նախագահ Թոռնիկե Ռիժվաձեն մասնակցել է Ծովային տարածաշրջանների միության (CPMR) 50-րդ Գլխավոր ասամբլեային։

Աջարիայի կառավարության տեղեկատվության համաձայն՝ Հունաստանի Հանրապետությունում կայացած ընդհանուր ժողովում ընտրվել են CPMR-ի նախագահն ու փոխնախագահները։ Աջարիայի կառավարության նախագահ Թոռնիկե Ռիժվաձեն երկրորդ ժամկետով ստանձնել է Եվրոպական ծովային տարածաշրջանների միության փոխնախագահի պաշտոնը։

Նրանց հաղորդմամբ՝ այցի շրջանակներում հանդիպում կանցկացվի Կրետեի իշխանության ղեկավարների և CPMR-ի նախագահի հետ։

«Ծովային շրջանների միությունը միավորում է 150 շրջան։ Ասոցիացիան կենտրոնացած է սոցիալական, տնտեսական խնդիրների, ծովային քաղաքականության և կապույտ տնտեսության զարգացման վրա։ CPMR-ի ներկայացուցչությունը ներառում է մոտ 200 միլիոն մարդ։

2020 թվականի հունիսից Աջարիայի Ինքնավար Հանրապետությունը հանդիսանում է CPMR-ի և նույն կազմակերպության Սևծովյան և Բալկանյան հանձնաժողովի (BBSC) լիիրավ անդամ։ 2020 թվականի հոկտեմբերի 29-ին Աջարիայի կառավարության նախագահն առաջին անգամ երկու տարի ժամկետով ընտրվել է CPMR-ի փոխնախագահ»,- նշված է Աջարիայի կառավարության տեղեկատվության մեջ։