Առաջին ալիքի գլխավոր տնօրեն Թինաթին Բերձենիշվիլին Հաղորդակցության հանձնաժողովի 2023 թվականի ԶԼՄ-ների և տեղեկատվական գրագիտության համաշխարհային շաբաթյակի ամփոփիչ համաժողովի բանախոսն է։
«Նոր մեդիան թվային փոխակերպման դարաշրջանում. ալիքներ, ձևաչափեր և լսարան» խորագրով նիստն անդրադարձավ թվային մեդիայի մարտահրավերներին և դրա հետ կապված նոր հնարավորություններին:
«Նոր եթերաշրջանից Առաջին ալիքը հանրությանը ներկայացրեց առաջին վրացական BVOD «1TVPLAY» հարթակը։ Վերջին ուսումնասիրությունները ցույց են տալիս, որ լսարանի վարքագիծը փոխվել է և ավանդական լրատվամիջոցներից տեղափոխվում է նոր թվային հարթակներ: Ելնելով դրանից՝ Առաջին ալիքը երիտասարդ լսարանին առաջարկում է համապատասխան հարթակ, ինչը կարևոր հատված է Հանրային հեռարձակողի համար»,- ասել է Առաջին ալիքի գլխավոր տնօրեն Թինաթին Բերձենիշվիլին։
Համաժողովի շրջանակներում Թինաթին Բերձենիշվիլին ներկայացրեց վրացական առաջին անվճար BVOD (Broadcaster video on demand) Հանրային հեռարձակողի «1TVplay» հարթակը և կենտրոնացավ հեռարձակողի թվային մեդիա արտադրանքի զարգացման վրա:
2021 թվականից Հաղորդակցության հանձնաժողովի ԶԼՄ-ների և տեղեկատվական գրագիտության շաբաթյակն անցկացվում է Միավորված ազգերի կազմակերպության կողմից ընդունված բանաձևի շրջանակներում և ծառայում է մեդիա գրագիտության և հասարակության մեջ դրա կարևորության մասին իրազեկության բարձրացմանը։
