Վրաստանի Առաջին ալիքի գլխավոր տնօրեն Թինաթին Բերձենիշվիլիի և Իսրայելի դեսպան Հադաս Մեյցադի միջև տեղի է ունեցել ճանաչողական հանդիպում։

Ինչպես հայտնել է առաջին ալիքի գլխավոր տնօրեն Թինաթին Բերձենիշվիլին, հանդիպմանը քննարկվել են համատեղ նախագծերի իրականացումը՝ Վրաստանի և Իսրայելի հանրային հեռարձակողների միջև։

«Վրաստանն ու Իսրայելը շատ ընդհանրություններ ունեն, այդ թվում՝ մեդիա միջավայրը։ Դեսպանի հետ խոսեցինք այն մասին, թե ինչ կարելի է անել երկու երկրների հետագա մերձեցման, մշակութային և կրթական համատեղ ծրագրերի, ինչպես նաև թվային զարգացման համար։ Խոսեցինք, թե ինչ է պատրաստվում անել առաջին ալիքն այս ուղղությամբ։ Զրույցն անդրադարձավ լավագույն փորձին և շատ հետաքրքիր նախագծերին։ Ուրախ եմ, որ հանդիպումը կայացավ, և մենք սպասում ենք նոր համագործակցության։ Վրաստանի և Իսրայելի հանրային հեռարձակողները Եվրոպական հեռարձակողների միության անդամ են, և մենք հպարտ ենք մեր բարեկամ հեռարձակողների հետ մեր հարաբերություններով»,- ասել է Բերձենիշվիլին։

Մյուս կողմից, Վրաստանում Իսրայելի դեսպանն ասաց, որ հետաքրքիր հանդիպում է տեղի ունեցել Թինաթին Բերձենիշվիլիի հետ։

«Ես շատ բան իմացա Վրաստանի առաջին ալիքով հեռուստատեսության և ռադիոյի աշխատանքի մասին։ Հանրային հեռարձակողների միջև արդեն կա համագործակցություն, և մենք քննարկել ենք հետագա համագործակցության հարցեր։ Ինչպես նաև մենք որպես դեսպանություն քննարկել ենք, թե ինչ կարող ենք անել համատեղ կրթական, հանրային և այլ նախագծերի համար»,- նշել է դեսպանը։