Թինաթին Բերձենիշվիլի. Շատ հպարտ եմ մեր պարատլետների արդյունքներով, այն ազդեցությունը, որ ունեցան այս արդյունքները հասարակության վրա, եթե գոնե մեկ մարդու մոտիվացիան բարձրանա, սա լավագույն արդյունքն է
«Սպորտային առումով թեժ ու դրական էմոցիաներով լի տարի ունենք։ Ե՛վ մենք և՛ հանդիսատեսը չկարողացանք դուրս գալ Եվրո-2024-ի և Օլիմպիական խաղերի հետ կապված էյֆորիայից, որը մեզ աննախադեպ թվով մեդալներ բերեց անկախությունից հետո»,- ասել է Հանրային հեռարձակողի գլխավոր տնօրեն Թինաթին Բերձենիշվիլին ԹԱՅՄԱՈՒՆԹ-ի հաղորդման ժամանակ։
«Կլինեմ սուբյեկտիվ և կասեմ՝ իմ սիրելի թեման պարասպորտն է։ Ես շատ հպարտ եմ Պարալիմպիկ խաղերում մեր պարամարզիկների ցուցադրած արդյունքներով և այն ազդեցությամբ, որ այս արդյունքներն ունեցել են համայնքի վրա: Հանրային հեռարձակողի գործառույթն է սպասարկել բնակչության այն խմբերին, որոնք ունեն հեռուստատեսության, ռադիոյի և առցանց հեռարձակման կարիք։ Եթե գոնե մեկ մարդ մոտիվացված է, դա մեզ համար լավագույն արդյունքն է։ Ներգրավվածության առումով կարող եմ համեմատել պարալիմպիական խաղերը օլիմպիական խաղերի հետ՝ մեծ արձագանք եղավ։
Այս ամենը չափվում է թվերով ու այնտեղից ստանում ենք արդյունքը։ Վրաստանի առաջին ալիքը մոտ 80 ժամ է հատկացրել պարալիմպիկ խաղերին, ինչը օրինակելի է արտասահմանյան այլ խոշոր հեռուստաալիքների համար։ Քանի որ ես խոսում եմ թվերի մասին, հավելեմ՝ 1-ին ալիքով երեք օր շարունակ Եվրոպայի առաջնության հեռարձակումները դիտել է 4 923 000 հեռուստադիտող։ Նաև 572 հազար մարդ՝ Առաջին ալիք սպորտ և մեկ միլիոն մարդ՝ առցանց լրատվամիջոցներ։ Սա նշանակում է, որ սպորտի նկատմամբ աննախադեպ մեծ հետաքրքրություն կա։
Ցանկանում եմ շնորհակալություն հայտնել մարզական թիմին, որն անխոնջ աշխատեց ողջ ամառ։ Ուզում եմ ընդգծել նաև, որ Եվրոպայի առաջնության ընտրական փուլի հեռարձակումները սպասարկում է Առաջին ալիքի տեխնիկական թիմը, որը նույնպես շատ հպարտ է։ Գարնանից մենք ունեցանք նոր ալիք՝ Առաջին ալիք՝ Սպորտ: Այս նախագիծը կարևոր է երեք ուղղություններով.
Առաջինը՝ վրացական սպորտի խթանում: Մենք հանդիպել ենք մարզական ֆեդերացիաների հետ, նրանցից յուրաքանչյուրը հաստատել է համագործակցության պատրաստակամությունը։
Երկրորդ մասը եզակի արխիվ է, որն ունի Առաջին ալիքը։ Մենք տեսանք, թե որքան մեծ ներգրավվածություն են ունեցել մեր արխիվային ֆիլմերը:
Երրորդը արտասահմանյան սպորտն է։ Մենք Eurovision Sports-ի միակ գործընկերներն ենք։ Առաջին ալիքով էլ ավելի շատ հեռարձակումներ կլինեն։ Մենք արժեք ենք փնտրում ցանկացած ծրագրի մեջ: Սպորտի դեպքում հիմնական հատկանիշը առողջ ապրելակերպի քարոզչությունն է, երիտասարդների ներգրավվածությունը սպորտի մեջ։ Մենք մեծ ուշադրություն ենք դարձնում կանանց սպորտին։ Որպես դրա օրինակ կծառայի 2025 թվականի Եվրոպայի կանանց առաջնության արտոնագրի ձեռքբերումը»,- ասել է Թինաթին Բերձենիշվիլին։
