«Եվրատեսիլում Վրաստանի օգտին քվեարկեցին
եվրոպական շատ երկրներ, մենք մտանք լավագույն տասնյակ, ինչն արդեն իսկ մեծ հաղթանակ է»,- ասել է Վրաստանի Առաջին ալիքի գլխավոր տնօրեն Թինաթին Բերձենիշվիլին։

Նրա խոսքով, Վրաստանը կիսաեզրափակիչում ուժեղ երկրների հետ էր և եզրափակիչ անցնելը մեծ հաղթանակ է։

«Շատ էմոցիոնալ երեկո է, քանի որ Վրաստանը յոթ տարի անց եզրափակչում է, մանավանդ, երբ համակարգը փոխվել է, ժյուրին այլևս միավորներ չի տալիս եզրափակիչ անցածներին, միայն SMS-ը կարող է մասնակցին տանել եզրափակիչ։ Մենք տեսանք, որ եվրոպական շատ երկրներ քվեարկեցին Վրասատանի օգտին և մենք հաղթող դարձանք շատ ուժեղ երկրների շարքում։ Մենք մտանք լավագույն տասնյակ, որն արդեն մեծ հաղթանակ է։ Կարծում եմ՝ Նուցայի ելույթը և եզրափակիչ դուրս գալը մեզ ևս մեկ անգամ ցույց տվեց , որ Վրաստանը եղել է, կա և կլինի եվրոպական ընտանիքի արժանի անդամը»,- ասել է Թինաթին Բերձենիշվիլին։

Վրաստանի ներկայացուցիչ Նուցա Բուզալաձեն տեղափոխվել է Եվրատեսիլի եզրափակիչ։ Եվրատեսիլ 2024-ի երկրորդ կիսաեզրափակիչը կայացել է մայիսի 9-ին։